مرثیہ بیاد امام حسینؓ
تحریر سید نذیرحسین شاہ نذیر
تہ یاد کویان نیبو اُمت کارنامو لوڑی دربوخت کیڑنینان ہے میدانہ واقعو لوڑی
نس نس بویان ہردیو بطین کربلو لوڑی نس نس بویان ہردیو بطین کربلو لوڑی
فرزند علیؓ سفو سار خوش مصطفوؐ آسوس تو لخت جگر لخت جگر فاطموؓ آسوس
کوٹھوونیشے بردئیے اسیتائے آقائے نامدار کوس غیچ چوکیتائے الفتوتے مہراکو لوڑی
نس نس بویان ہردیو بطین کربلو لوڑی
روپھی آسونی چیق سولو ٹوبے سرور سامان تھروشنی بیتی ژیرغست کورنیان پھوپھک معصومان
تب گربویان پوشیرو ہر غیچ ہے سورا توری نون سف کیڑنیان ظلموہاتے انتہو لوڑی
نس نس بویان ہردیو بطین کربلو لوڑی
مقام تتے پرائے جوجہانہ رب دوجہان زندہ اسوس تو ہر زبانہ اللہو احسان
تہ یاد ا اشرو ر غیچی ہنون پوشیرو انسان ای حقو اوچے ناحقو موژی فیصلو لوڑی
نس نس بویان ہردیو بطین کربلو لوڑی
تو لغلِ جفریاتو ساری نازنین آسوس اندازبیان بو شیرین تہ رخم گین آسوس
پرواہ نو آرو دینو بچین شیرین ژانو تو سلام کووریان چار بروج دنیا مرتبو لوڑی
نس نس بویان ہردیو بطین کربلو لوڑی
نہ تیر و اوچے ویشو اوشونی مبارک ہوستہ ای زوم غیری روپھیتائے حاسے توفوجوپروشٹہ
نذیر ہنون سلام کورویان تہ جراتوتن تروئی بیشیر جوش جونفریان قافلو لوڑی
نس نس بویان ہردیو بطین کربلو لوڑی
Comments
مرثیہ بیاد امام حسینؓ — No Comments