MPA's humanitarian act

چترال ( بشیر حسین آزاد ) ایم پی اے چترال سلیم خان نے منگل کے روز ڈسٹرکٹ ہیڈ کوارٹر ہسپتال چترال میں ایک نادار مریض کو خون کا عطیہ دیا ۔

مذکورہ مریض کو خون کی شدید ضرورت تھی ۔ تاہم متعلقہ بلڈ گروپ کا خون نہ ملنے کے سبب مریض کی جان کو شدید خطرہ درپیش تھا ۔ اس موقع پر انہوں نے کہا کہ چونکہ مریض کے خون اور اُن کے خون کا گروپ ایک ہے اس لئے اُن کی جان بچانے کی کوشش کرنا لازم ہے ۔انہوں نے کہا کہ اسلام میں ایک انسان کی جان بچانے کی کوشش کرنا پورے علم انسانیت کو بچانے سے تشبیہ دی گئی ہے ۔ اس لئے ہمیں اپنی بساط اور طاقت کے مطابق مریضوں کی مدد کرنی چاہیے ۔ چاہے وہ جس طریقے سے بھی ہو ۔ ایم پی اے نے خون دینے کے بعد ہسپتال میں بعض مریضوں کی عیادت کی ۔اور اُن کی خیریت دریافت کی ۔

]]>